miércoles, noviembre 6

PALABRES Vienres 8 y Sábadu 9, 20 hores. Teatru Prendes, Candás Venta d'entraes anticipaes de llunes 4 a xueves 7 de 12 a 14 hores nel Teatru Prendes o nel teléfonu 985871021 Palabres defínese como una propuesta artística multidisciplinar que, sofitada na ellaboración d’un análisis críticu de la situación actual de la llingua asturiana -en toles sos variantes- desendolca una obra onde lliteratura, artes escéniques, arte audiovisual, música y baille tradicional interactúen de manera simultánea nun mesmu espaciu escénicu. Asina, quier que se xenere un nuevu discursu artísticu que s’articula alredor de dos puntos: el respetu a la tradición propia; y l’anovación y creación de víes d’accesu afayadices p’atraer a nuevos públicos, interesaos en reflexonar sobre’l propiu conceutu “tradición”. Too ello con un denominador común y central: el poder de la palabra. Esti espectácuu naz a propuesta del Grupu de Baille San Félix de Candás, desarrollando una idea orixinal de Xurde Fernández. La música orixinal cuerre por cuenta de Marcos García Alonso y Mapi Quintana, que van tar acompañaos de Rubén Bada (guitarres y bouzouki); Fernando Arias (percusiones); y Thomas Welvaadt (trompeta) pa poder facer realidá la banda sonora d’esti viaxe. En Palabres tamién van a participar dalgunos de los principales nomes de la lliteratura asturiana. Asina, tal y como anuncia’l grupu, van participar autores como Aurelio García Ovies, Xandru Fernández, Pablo Texón, Concha Quintana, Elías Veiga, y Xosé Miguel Suárez. Col sofitu del conceyu de Carreño